هه‌واڵ

139 كورد به‌تۆمه‌تی به‌شداریكردن له‌ پرۆسه‌ی‌ ئه‌نفالدا دادگایی ده‌كرێن

دادگای‌ باڵای‌ تاوانه‌كان له‌ به‌غدا له‌ پرۆسه‌ی‌ خۆئاماده‌كردندایه‌ بۆ دادگاییكردنی تاوانبارانی به‌شدار له‌ پرۆسه‌ی‌ ئه‌نفال و چه‌ندین ناوی‌ تاوانبارانیان تۆماركردووه‌ ، هه‌رچه‌نده‌ ئه‌و ناوانه‌ نهێنین و له‌لایه‌ن دادگاوه‌ ئاشكرا ناكرێن، به‌ڵام سه‌رچاوه‌كانی (هه‌واڵ) ئاماژه‌ بۆ هه‌ندێك له‌و ناوانه‌ ده‌كه‌ن له‌وانه‌: (عه‌باسی بایزی باڵۆغا ، قاسم ئاغا ، نه‌وزاد ئه‌نوه‌ر به‌گ و ئیبراهیم ئاغا)و چه‌ندینی‌ تر.

شایانی باسه‌ سه‌رچاوه‌یه‌ك له‌ دادگای‌ باڵای‌ تاوانه‌كانه‌وه‌ كه‌ نه‌یویست ناوی‌ خۆی ئاشكرابكات به‌(هه‌واڵ)ی‌ راگه‌یاند كه‌ له‌كۆی‌ ئه‌و (432) كه‌سه‌ی‌ ناویان هاتووه‌ بۆ دادگاییكردن به‌ تۆمه‌تی به‌شداریكردنیان له‌ پرۆسه‌ی‌ ئه‌نفال (139) كه‌سیان موسته‌شارو كۆنه‌جاشی ئامر مه‌فره‌زه‌و ئامر سرییه‌ی‌ به‌ره‌گه‌ز كوردن، سه‌باره‌ت به‌و زانیاریانه‌ (هه‌واڵ) له‌ په‌یوه‌ندییه‌كدا له‌گه‌ڵ (مسته‌فای‌ حه‌سه‌ن گه‌وره‌) نوێنه‌ری‌ ناوه‌ندی چاك بۆ به‌دادگایی گه‌یاندنی كۆنه‌جاشه‌ ئه‌نفالچییه‌كان ئه‌ویش هه‌واڵه‌كه‌ی‌ پشتڕاست كرده‌وه‌و وتی: (139) موسته‌شارو كۆنه‌جاشی ئامر مه‌فره‌زه‌و ئامر سرییه‌ی‌ به‌تۆمه‌تی به‌شداری‌ كردن له‌تاوانی جینۆسایدكردنی كورد (ئه‌نفال) په‌لكێشی دادگای‌ تایبه‌ت به‌و تاوانه‌ ده‌كرێن .

◄ بگه‌ڕێوه‌ بۆ سه‌ره‌تا