هه‌واڵ

شەری تیرۆرکردنى یاسا

لە کاتێکدا خەریکى نوسینى ووتارێک بووم لەسەر کەرکوک بەناوى " کەرکوک پێویستى بەپلانە نەک پیلان " زەنگى تەلەفۆنەکەم لێیدا ، هاوڕێیەکم پێى ڕاگەیاندم کە " شوان داودى " سەرنوسەرى ڕۆژنامەى هەواڵ زیندانى کرا . هەرچەندە لەم وڵاتە بەردەوام زەنگى تەلەفۆنەکان مرۆ دەتاسێنآ بە هەواڵى دڵتەزێن ئەها فلانە ڕۆژنامەنووس تیرۆرکرا . هەموو ئەو کارە دزێوانەش بۆ بێدەنگکردنى ڕاستى ئەنجام دەدرێت .
لەم وڵاتە سەیرو سەمەرەى من زۆر لە کێشەکان لە دەرەوەى دادگا چارەسەر دەکرێت ئەمەش بەردەوام جێگا ڕەخنەى ڕۆژنامەنووس و ڕۆشنبیرانە کەنابێت بەهیچ شێوەیەک لەدەرەوەى دادگاکان ، خەلکێک خۆى بەدادوەر بزانێت و سزا بەسەر خەڵکدا بسەپێنێت . هەموو ئەمانەش بۆ ئەوەیە کە یاسا سەروەر بێت بەڵام کاتێک لە خودى دادگادا یاسا پێشێل و هەتکبکرێت ئەوا کارەکە بەتەواوى پێچەوانە دەبێتەوە .
بۆیە ئەوەى لەدادگاکردنى " شوان داودى " ڕوویدا دەتوانین ناوى بنێین تیرۆرکردنى یاسا چونکە ئەوەى ڕوویدا لە نێو دادگا بوو نەک لەئەنگوستە چاو و پشتى پەردە و پەناو پەسیوەکان بەڵکو لە سێبەرى یاسادا ، یاسا تیرۆر کرا.لێرە قسەم لەسەر ئەوە نییە حوکمى جەنابى لەکێشەکەدا یاساییە یاخود نا ، بەڵام ئەوەى دڵنیام لێى بەپێى یاسا ڕۆژنامەگەرى پەرلەمانى کوردستان نابێت ڕۆژنامەنووس زیندانى بکرێت لەسەر بیروڕا. بۆیە ئەم زیندانى کردنە گومانى تێدا نییە یاسایى نییە ، ئەگەر وانییە یاسایەک هێشتا چلەى نەچوە " یاساى تایبەت بەکارى ڕۆژنامەگەرى !!!!!!!!!!" لە هاتنە دونیاى بۆ دیاریکردنى سەقفى ئازادیەکانى بیروڕا لە هەرێمى کوردستان ، چۆن ئاوا بە ئاسانى لەلایەن ئەوانەى بەناو داواکارى سەربەخۆى"" دادگا، دادوەرى ، سەروەرى یاسان "" ؟؟؟؟؟؟؟؟ یاسا دەکوژن . لەمەشدا بۆم دەرکەوت پیلان نەک بەتەنها لەسەر کەرکوک هەیە لەلایەن ناحەزانمان ، بەڵکو لەنێو ماڵى کوردیش لە جیاتى پلان بۆ بنبڕکردنى گەندەڵى و شتى تر ، پییلان وجودى هەیە بۆ کپکردنى دەنگى ئازاد لە دەڤەرەکەم ...........

ئیمزا
سەباح تاهیر

◄ بگه‌ڕێوه‌ بۆ سه‌ره‌تا