هه‌واڵ

لەسەردانی وەفدەکەیUNدا بۆ خورماتو جەماڵ نازم ئاغا دژی کورد قسەی کرد

لە سەردانێکی تیمێکی نەتەوە یەکگرتووەکاندا بۆ قەزای خوورماتوو ، گروپی تورکمانی داوای جێبەجێنەکردنی ماددەی 140 و بە پارێزگاکردنی قەزاکەیان کرد و لەناو کەسایەتیە کوردەکانیشدا ، جەمال نازم ئاغا دژی ئیدارەی کوردی قەزاکە و کورد بەگشتی رای خۆی بۆ تیمەکە دەربڕی ، ئەنجومەنی ناحیەی سەلمان بەگیش کە عەرەبەکان تیایدا باڵادەستن داوای گەڕانەوەی قەزاکەیان کرد بۆ سەر کەرکوک ، بەڵام ناحیەی ئامرلی کە تورکمانەکان تیایدا باڵادەستن ، هەمان بۆچوون و داواکاری گروپی تورکمانی قەزاکەیان هەبوو سەبارەت بە مەسەلەکان .
رۆژی سێشەمەی رابردوو رێکەوتی 4 / 11 / 2008 تیمێکی نەتەوە یەکگرتووەکان کە پێهاتبوون لە (پیتەر - بەرپرسی تیم)، محەمەد غەنام بەرەگەز میسری – راوێژکاری یاسایی تیم ، خاتوو نونو – راوێژگاری سیاسی ) سەردانی قەزای خورماتوویان کرد و سەرەتا چاویان کەوت بە ئەنجومەن و ئیدارەی قەزاکە تیایدا ژمارەیەک دیکۆمێنت و بەڵگەنامەی سەلماندنی کوردستانیەتی خورماتوو و بریاری دابڕانی لە کەرکوک لە ساڵی 1976 و بڕیاری بەعس بەدابڕانی ناحیەکانی قادرکەرەم و نەوچول لە خورماتوو ، پێشکەش بە تیمەکە کران . پاشان تیمەکە لەگەڵ گروپی تورکمانیدا کۆبووەو تیایدا ئەو گروپە هەندێ بەڵگەو دیکۆمێنتیان پێشکەش بەتیمەکە کرد سەبارەت بە زیادەڕۆیى کورد لە قەزاکە و راپۆرتێکیشیان خستەبەردەم تیمەکەی نەتەوەیەکرگتووەکان گە گرنگترین خاڵەکانی پێکهاتبوون لە : ....
بۆ لاپەڕە (2)

◄ بگه‌ڕێوه‌ بۆ سه‌ره‌تا