عیرفـان کـەرکـوکـلی پێیـخۆشـە بە ســەدام بیشـوبهێنن
دوا بەدوای بڵاوبوونەوەی هەواڵی بریندارکردنی هاوڵاتیەک لەلایەن کوڕە
بەندکراوەکەی عیرفان کەرکوکلی و پاسەوانەکانیەوە ، پارتی گەلی تورکمانی
روونکردنەوەیەکی بڵاوکردەوە کە زۆربەی هەرە زۆری تەرخان کردبوو بۆ (مێژووی
پڕشنگداری حیزبەکە)و سکرتێرە گشتیەکەی ، هێرشێکی نارەوایشی کردۆتە سەر هەواڵ
بەهۆی ئەوەی چاوپۆشی لە رووداوەکە نەکردووە ، هەروەها لە لێدوانێکیدا بۆ ئاوێنە
عیرفان کەرکوکلی دەڵێت "بەداخەوە ئەو پرۆپاگەندانەی لە هەندێ رۆژنامەی کوردیەوە
بۆ من دەکرێت و کوڕەکەم بە عودەی و خۆم بەسەدام دەشوبهێنن " ئەمە لە کاتێکدا
هیچ دەزگایەکی راگەیاندن باسیان لەخودی کەرکوکلی نەکردووەو تەنها دەربارەی ئەو
رووداوانەش قسەکراوە کە کوڕەکەی هۆکاری دروستبوونیانە .
هەرچەندە هەواڵً بەهیچ جۆرێک باسی لە پارتی گەلی تورکمان و سکرتێرە گشتیەکەی
نەکردووە ، بەڵکو هەواڵی ئەو رووداوانەی بڵاوکردۆتەوە کە محەمەد عیرفان
کەرکوکلی ئەنجامیداون ، بەڵام لەبری خودی کەسی پەیوەندیدار ، پارتی گەلی
تورکمان روونکردنەوەیەکی بڵاوکردۆتەوە ، کە لەسێ بەشیدا باس لە سەروەریەکان و
مێژووی ئەو حیزبە و سکرتێرە گشتیەکەی دەکات و لە بەشەکەی تریشیدا هێرشێکی
ناڕەوای گرتۆتەخۆ لە (هەواڵ) و سەرنووسەرەکەی .
بۆ لاپەڕە (2)
Copyright © 2008