هه‌واڵ

بە بێ بەشداری و ئاگادارکردنەوەی کورد
یەکەی پلاندانانی کەرکوک دامەزرێندرا

بەبێ راوێژکردن و ئاگادارکردنەوە و بەشداریپێکردنی کوردەکانی شارەکە، لە بەغداوە یەکەی پلاندانی کەرکوک دامەزرێندراوە کە لەچوار ئەندامی عەرەب و تورکمانێک پێکهاتووە .
دوای ژمارەیەک دانوستان و لێکۆڵینەوە و کۆبوونەوە نەتەوەکانی شاری کەرکوک بەشێوەی تەوافوق لەماوەی رابردوودا دەستەی وەبەرهێنانیان پێکهێنا ، سەبارەت بە یەکەی پلاندانانی پارێزگاکەیش بەحیسابی کوردەکان بێت نەگەیشتوونەتە ئەنجامێک و هێشتا دانەمەزرێندراوە ، بەڵام لە کۆنگرەی پلاندانانی عێراق لە بەغدا کە چەند رۆژێک لەمەوبەر بەسترا ، چەند کەسانێک بەناوی ( یەکەى پلاندانانی کەرکوک)ەوە ، بەشداریان کردووە ، لەبەدواداچوونێکی هەواڵدا سەبارەت بەمەسەلەکە سەرچاوەیەک ئەوەی ئاشکرا کرد کە دوای لێکۆڵینەوە دەرکەوت ئەو یەکەیە لەچوار ئەندامی عەرەب و تورکمانێک پێکهاتووە ، سەرچاوەکە ئەوەی بەهەوڵێکی تری حکومەتی مەرکەزی دانا بۆ کەمکردنەوەی رۆڵی کورد لەئیدارەی کەرکوکداو وتیشی "ئەو کارە نایاساییە و دوورە لە بانگەشەکردن بۆ پێڕەوکردنی یاسای تەوافوق و هاوکێشەی نێوان نەتەوەکانی شارەکە .

◄ بگه‌ڕێوه‌ بۆ سه‌ره‌تا